ہواکے لیے قرآن میں مستعمل الفاظ ( ۱۴)

خوشگوار ہوائیں

رِیۡح – ہوا ( حرکت کرنا، بُو) – اس کی جمع رِیَاح (42:33 , 12:94)
رَوْح – بادِ نسیم(رحمت، خوشی، راحت، آرام) (12:87)
رَیْحَان – خوشبودار پودا (اگر یہ لفظ رزق یا کھیتی کی چیزوں سے متعلق ہو تو مراد وہ چیزیں جن میں خوشبو /مہک ہو)-(56:89)
مُبَشِّرات – نزولِ رحمت اور بارانِ رحمت کی خوشخبری دینے والی ہوائیں (30:46)
لَوَاقِح – (واحد لَاقِحَه )- بار بردار ہوائیں ( پانی کا بوجھ اٹھائے ہوئی ہوائیں ) (15:22)

عَاصِف – سخت تیز ہوا ، آندھی(10:22)
حَاصِب – (حَاصِبَة، حَصَب پتھر مارنا)- ایسی تیز آندھی جو کنکر اور پتھر اڑائے پھرے (17:68)
قَاصِف – (قَصَف توڑنا )- وہ تند و تیز آندھی جو درختوں کو توڑ دے (17:69)
سَمُوْم سخت گرم ہوا، لُو جو جسم کو جھلسا دے (52:27)
اِعْصَار وہ تندو تیز ہوا جو فضا میں چکر کاٹے(2:266)
حُسْبان (حَسَبَ حساب کرنا )- شدید ہوا کا وہ عذاب جو حساب چکانے کو کافی ہو – (18:40)
نَفْحَةٌ سرد جھونكا، پھونک، بھانپ – شدید سرد ہوا کی لپٹ (21:46)
صَرْصَر سخت ٹھنڈی ہوا، تیز اور سائیں سائیں کرنے والی ٹھنڈی ہوا۔ سناٹے کی ہوا (54:19)
رِیۡحُ الْعَقِیْم (لَاقِحَه کی ضد) ایسی ہوا جو نہ تو بارش یا بادل اٹھانے والی ہو اور نہ تخم ریزی کرنے والی ، خیر سے خالی ہوا جس کا نقصان ہی نقصان ہو (51:41 )